नाशिक। दि. २३ सप्टेंबर, २०२५ (जिमाका वृत्तसेवा): शासनाच्या सलोखा योजना व विधी सेवा प्राधिकरण कायदा 1987 मधील कलम 19 व 3 जानेवारी 2023 रोजीच्या शासन निर्णयानुसार सलोखा योजनेअंतर्गत अहिल्यानगर, जळगाव, धुळे, नंदुरबार व नाशिक या जिल्ह्यातील उपसंचालक भूमी अभिलेख, नाशिक प्रदेश, नाशिक यांच्या स्तरावरील प्रलंबित प्रकरणे तडजोडीने निकाली काढण्यासाठी 1 ऑक्टोबर 2025 रोजी सकाळी 11 वाजता भूमी लोक अदालीतीचे आयोजन करण्यात आले आहे.
अपीलदार व समानेवाले अथवा त्यांचे प्राधिकृत प्रतिनिधी यांनी 1 ऑक्टोबर 2025 रोजी सकाळी 11 वाजता हजर राहून लोक अदालत तडजोडनामा अर्ज सादर करावेत, असे आवहन उपसंचालक भूमी अभिलेख, नाशिक प्रदेश, नाशिक यांनी प्रसिद्धी पत्रकान्वये केले आहे.
नाशिकच्या सर्व अपडेट्ससाठी आमचा व्हॉट्सअॅप ग्रुप जॉईन करा...
The Title "Nashik Calling" is approved by Office Of The Registrar Of Newspapers For India (Ministry Of Information And Broadcasting). RNI: MAHMAR51790