नाशिक: भरधाव कारच्या धडकेत तरुणाचा मृत्यू, दोन जण गंभीर

नाशिक (प्रतिनिधी): शिंदे टोलनाक्याजवळ भरधाव चारचाकीने दुचाकीला मागून धडक दिल्याने तरुणाचा जागीच मृत्यू झाला. तर दोघे गंभीर जखमी झाले आहेत.

नाशिकरोड पोलिसांनी दिलेल्या माहितीनुसार, रवींद्र गायधनी, शंकर मेरखांब आणि तेजस चंद्रमोरे हे तिघे सिन्नरच्या कंपनीत काम करून एमएच १५ जीएच ०२८३ या दुचाकीवरून घरी परतत होते. शिंदे टोलनाका येथे भरधाव कारने (एमएच १५ जेके ००६४) त्यांना धडक दिली. यात रवींद्र गायधनी गंभीर जखमी झाले. उपचारादरम्यान त्यांचा मृत्यू झाला.

शंकर, तेजस हे दोघे गंभीर जखमी झाले असून त्यांच्यावर उपचार सुरू आहेत. पोलिसांनी कारचालक आशिष कलंत्री याच्याविरोधात गुन्हा दाखल केला आहे. (नाशिकरोड पोलीस स्टेशन, गुन्हा रजिस्टर क्रमांक: १७१/२०२५)