नाशिक: रंगपंचमीला पावसाचा अंदाज; तापमानात दोन अंश घसरण

नाशिक (प्रतिनिधी): नाशिकमध्ये सोमवारी (दि. १७) उन्हाची तीव्रता काहीशी कमी झाली होती. सरासरीपेक्षा किमान अन कमाल तापमानात १ ते २ अंश सेल्सीअसने घसरण झाली.

तर पुढील दोन दिवसांत मध्य महाराष्ट्र, मराठवाडा, विदर्भात हवामान काही ठिकाणी कोरडे राहून मध्य महाराष्ट्रात एक दिवस तर मराठवाडा आणि विदर्भात दोन ते तीन दिवस तुरळक ठिकाणी हलक्या पावसाचा अंदाज हवामान विभागाने वर्तविला आहे. रत्नागिरी व सिंधुदूर्ग जिल्ह्यात हवामान उष्ण व दमट रहाण्याची शक्यता आहे.

नाशिक शहराची रात्र महाबळेश्वरपेक्षा थंड: थंड हवेचे ठिकाण म्हणून प्रसिद्ध असलेल्या महाबळेश्वरमध्ये किमान तापमान २०.४ अंश सेल्सिअस तर नाशिकचे किमान तापमान १९.९ अंश सेल्सिअसवर असल्याने नाशिकची रात्री महाबळेश्वरपेक्षाही थंड होती.