नाशिक-औरंगाबाद महामार्गावर धावत्या शिवशाही बसला आग
नाशिक (प्रतिनिधी): औरंगाबादहून नाशिकच्या दिशेने निघालेल्या शिवशाही बसला निफाड तालुक्यातील बोकडदरे परिसरात अचानक आग लागल्याची घटना घडली आहे.
या आगीत शिवशाही बस पूर्णपणे जळून खाक झाली आहे.
सुदैवाने यात कुठलीही जीवितहानी झाली नाही.
बसने पेट घेतल्याचे लक्षात येताच चालक आणि वाहकाने प्रसंगावधान राखत बसमधून उडी घेतल्याने जीवितहानी टळली.
याबाबत अधिक माहिती अशी की, ही शिवशाही बस औरंगाबादहून नाशिकच्या दिशेने येत होती. यावेळी बसममधून १२ ते १५ प्रवासी प्रवास करत होते. मात्र वाटेतच बस नादुरुस्त झाल्याने बसमधील प्रवाशांना दुसऱ्या बसमध्ये बसवून देण्यात आले. त्यानंतर नादुरुस्त झालेली बस घेऊन चालक आणि वाहक नाशिकच्या दिशेने येत असताना बोकडदरेजवळ बसने अचानक पेट घेतला. बसने पेट घेतल्याचे लक्षात येताच चालक आणि वाहकाने प्रसंगावधान राखत बस रस्त्याच्या कडेला लावत उडी घेतली.
[wpna_related_articles title=”More Important News” ids=”10543,10548,10551″]
दरम्यान बसला आग लागल्याची माहिती मिळताच अग्निशमन दलाचा बंब घटनास्थळी दाखल झाला. मात्र आग आटोक्यात येईपर्यंत बस पूर्णपणे जळून खाक झाली होती. तसेच बसला नेमकी आग कशामुळे लागली याचे कारण अद्यापही स्पष्ट झाले नसून प्राथामिक माहितीनुसार शॉर्ट सर्किटमुळे ही आग लागली असा अंदाज व्यक्त केला जात असून या घटनेचा पुढील तपास निफाड पोलीस करत आहे.
