नाशिक: माणुसकीला काळिमा फासणारी घटना.. जन्मदात्या पित्याचा १३ वर्षीय मुलीवर अत्याचार…
नाशिक (प्रतिनिधी): नाशिक जिल्ह्यात माणुसकीला काळिमा फासणारी घटना घडली आहे.
चाळीस वर्षाच्या जन्मदात्याने स्वत:च्या १३ वर्षीय मुलीवर अत्याचार केले आहेत.
हा अत्याचार सहन न झाल्याने मुलेने पोलिसांच्या हेल्पलाईनवर फोन केला.
या नराधमाला पोलिसांनी अटक केली आहे.
नाशिक जिल्ह्यातील चिचोंडी खुर्द येथे हा प्रकार घडला आहे. हा अत्याचार सहन न झाल्याने याच मुलीने आवाज उठवत पोलिस हेल्पलाइन क्रमांकावर तक्रार देऊन या घटनेला वाचा फोडली आहे. नराधम बापाला शहर पोलिसांनी बुधवारी रात्री अटक केली आहे.
फिर्यादी मुलगी तेरा वर्ष आणि पाच महिन्यांची असून तिचा नराधम बाप हा चाळीस वर्षांचा आहे. चिचोंडी खुर्द येथील चारी क्रमांक ३६ जवळ रहिवासी असलेल्या मजूर बापाने आपल्या मुलीवर राहत्या घरात ती पाचवीत असल्यापासून (वेळ आणि महिना माहीत नाही) ते आतापर्यत वेळोवेळी घरात कुणीही नसतांना एकटी असल्याचा फायदा घेत जीवे ठार मारण्याची धमकी देत अत्याचार केला.
[wpna_related_articles title=”More Important News” ids=”10381,10375,10373″]
मालेगाव शहर पोलिस ठाण्याच्या सहाय्यक पोलिस निरीक्षक प्रीती सांवजी यांच्या उपस्थितीत गुन्हा दाखल करण्यात आला असून उपनिरीक्षक सूरज मेढे याप्रकरणी तपास करत आहे. जिल्हा पोलिस प्रमुख सचिन पाटील यांनीही या प्रकरणी लक्ष घातले असून येथील पोलिस निरीक्षक भगवान मथुरे यांच्या मार्गदर्शनाखाली पोलिसांनी पोक्सो कायद्याअंतर्गत गुन्हा दाखल केला आहे.
