नाशिकच्या एमजी रोडवर शिवसेना पदाधिकारी बा बाळा कोकणे यांच्यावर हल्ला
नाशिक (प्रतिनिधी): नाशिकमध्ये शिवसेना पदाधिकाऱ्यावर हल्ला झाल्याची घटना घडली आहे.
शहरातील एम जी रोडवरील यशवंत व्यायाम शाळेजवळ ही घटना घडली आहे.
अज्ञात हल्लेखोरांनी धारदार शस्त्राने शिवसेना पदाधिकारी निलेश उर्फ बाळा कोकणे याच्यावर हल्ला केला.
त्यांच्यावर एका खाजगी रुग्णालयात उपचार सुरू आहेत.
अधिक माहिती अशी की, निलेश उर्फ बाळा कोकणे हे रात्रीच्या सुमारास त्यांच्या दुचाकीने एम जी रोड परिसरातून जात होते. याच वेळी एमजी रोडवरील यशवंत व्यायामशाळा परिसरात अज्ञात हल्लेखोरांनी त्यांच्यावर धारदार शस्त्राने त्यांच्या डोक्यावर व पाठीवर वार केले.
या हल्ल्यात कोकणे हे गंभीर जखमी झाले आहेत. हल्ला केल्यानंतर अज्ञात हल्लेखोर फरार झाले. स्थानिक नागरिकांच्या मदतीने बाळा कोकणे यांना तात्काळ रुग्णालयात दाखल करण्यात आले. सध्या त्यांच्यावर शहरातील एका खाजगी रुग्णालयात उपचार सुरू आहेत.
घटनेच्या ठिकाणी पोलिसांनी भेट दिली असून भद्रकाली पोलीस ठाण्यात गुन्हा दाखल करण्यात आला आहे. कोकणे यांच्यावर हल्ला करणाऱ्या हल्लेखोरांचा तपास सुरू आहे.