जिल्ह्यात ५५ ऑक्सिजन जनरेशन प्लांटच्या माध्यमातून ५० मेट्रिक टन ऑक्सिजनची होणार निर्मिती

नाशिक (प्रतिनिधी): जिल्ह्यात सर्व शासकीय रुग्णालयांमध्ये एकूण ५५ ठिकाणी ऑक्सिजन जनरेशन प्लांटच्या माध्यमातून ५० मेट्रिक टन ऑक्सिजनची निर्मिती होणार असून जिल्हा ऑक्सिजन निर्मितीत स्वयंपूर्ण होणार असल्याचे प्रतिपादन राज्याचे अन्न, नागरी पुरवठा व ग्राहक संरक्षण मंत्री तथा पालकमंत्री छगन भुजबळ यांनी केले.

पालकमंत्री छगन भुजबळ यांच्या हस्ते आज येवला येथील ऑक्सिजन जनरेशन प्लांट व रुग्णवाहिकेचे लोकार्पण करण्यात आले. त्यावेळी ते बोलत होते. यावेळी येवला नगरपालिकेचे नगराध्यक्ष बंडू क्षीरसागर,  जिल्हा परिषदेचे माजी अध्यक्ष राधाकिसन सोनवणे, पंचायत समिती सदस्य मोहन शेलार, नगरपालिका गटनेते प्रवीण बनकर, प्रांताधिकारी सोपान कासार, तहसीलदार प्रमोद हिले, जिल्हा शल्यचिकित्सक डॉ.अशोक थोरात, निवासी वैद्यकीय अधिकारी डॉ.प्रशांत खैरे, वैद्यकीय अधिकारी डॉ. शैलजा कृपास्वामी, तालुका पोलीस निरीक्षक अनिल भवारी, येवला शहर पोलीस निरीक्षक कोळी, अंदरसुल बाजार समितीचे सभापती मकरंद सोनवणे, माजी जिल्हा परिषद सदस्य बाळासाहेब गुंड यांच्यासह अधिकारी व पदाधिकारी उपस्थित होते.

५५ ठिकाणी होणार ऑक्सिजन प्लांट:
यावेळी पालकमंत्री छगन भुजबळ  जिल्ह्यात ५५ ठिकाणी होणाऱ्या ऑक्सिजन जनरेशन प्लांट बद्दल बोलताना म्हणाले की, नाशिक महानगरपालिका क्षेत्रात ६, मालेगाव महानगरपालिका  क्षेत्रात २, जिल्ह्यातील विविध नगरपालिका क्षेत्रात ९, जिल्हा सामान्य रुग्णालय, उपजिल्हा रुग्णालय येवला, मनमाड, कळवण, चांदवड, ग्रामीण रुग्णालय पिंपळगांव बसवंत, इगतपुरी, सिन्नर, अभोणा, वणी, दिंडोरी, बाऱ्हे, घोटी, गिरणारे, हरसूल, निफाड, नगरसूल, लासलगांव, देवळा, उमराणे, सटाणा, नामपूर, मालेगांव सामान्य रुग्णालय आणि महिला रुग्णालय या २४ ठिकाणी जिल्हा वार्षिक योजनेच्या माध्यमातून ऑक्सिजन जनरेशन प्लांट निर्माण होणार आहेत. तसेच केंद्र सरकारच्या निधीतून नांदगाव, दाभाडी, पेठ सुरगाणा या ४ ठिकाणी तर सिक्युरीटी प्रेसच्या सीएसआर फंडातून दोडी व त्र्यंबकेश्वर, गिरणारे, डांगसौंदाणे तसेच नाशिक ग्रामीणसाठी ५ असे एकूण ५५ ऑक्सिजन जनरेशन प्लांट निर्माण होणार आहेत.

Loading

The Title "Nashik Calling" is approved by Office Of The Registrar Of Newspapers For India (Ministry Of Information And Broadcasting). RNI: MAHMAR51790
×
⚡Join Our Group