शहरात नायलॉन मांजाचा सर्रास वापर; इंदिरानगर येथे तरुणाचा मांजाने कापला गेला गळा !

नाशिक (प्रतिनिधी) : शहरात गेल्या काही दिवसांपूर्वीच नायलॉन मांजामुळे महिलेचा मृत्यू झाल्याची घटना घडली होती. यानंतर पोलिसांकडून नायलॉन मांजाची विक्री करणाऱ्यांवर कारवाई करण्याची मोहीम जोरदाररीत्या हाती घेण्यात आली होती. परंतु अशीच घटना इंदिरानगर परिसरात घडली असून, एका तरुणाचा नायलॉन मांजामुळे गळा कापला गेला आहे. यामुळे नागरिकांमधून संताप व्यक्त करण्यात येत आहे.

🔎 हे वाचलं का?:  त्रिपुरारी पौर्णिमेनिमित्त त्र्यंबकेश्वरमध्ये आजपासून विविध धार्मिक कार्यक्रम

आज दिनांक ७ जानेवारी रोजी इंदिरानगर परिसरातून मयूर कुलकर्णी हा युवक दुचाकीवर जात होता. दरम्यान, त्याच्या मानेला नायलॉन मांजाचा विळखा बसला व  तो गंभीर जखमी झाला आहे. मयूरवर खाजगी रुग्णालयात उपचार सुरु आहे. तर, त्याच्या गळ्याला ७ टाके घालण्यात आले आहेत.

🔎 हे वाचलं का?:  नाशिक: पत्नीच्या खुनाची कबुली; फरार पतीला अटक, न्यायालयाकडून पोलीस कोठडी

तर, शहरात अशाच प्रकारची दुसरी घटना देखील मंगळवारी (दि.५ जानेवारी) रोजी घडली होती. त्यानुसार, दुपारी ४ वाजेच्या सुमारास पूजा गणेश सदाशिव (वय २५, रा.म्हसरूळ) ही ऍक्टिव्हा दुचाकीने मखमलाबाद-हनुमानवाडी रस्त्याने म्हसरूळकडे जात होती. दरम्यान, ती सिग्नलवर थांबली असता, अचानक हवेतून नायलॉन मांजा आला व तिच्या गळ्याला घासला गेला.

🔎 हे वाचलं का?:  नाशिक: दुचाकी वाहनांसाठी ‘एमएच १५-एलजी’नवीन मालिका २३ नोव्हेंबरपासून सुरू

परंतु, पूजाचे वेळीच लक्ष गेल्याने तिने हात आडवा केला तसेच तिने स्टोल बांधलेला असल्याने गळ्यावर गंभीर जखमा झाल्या नाहीत. यानंतर तिला तातडीने खासगी रुग्णालयात दाखल केले गेले. परंतु या वारंवार घडणाऱ्या घटनांमुळे  नागरिकांकडून पोलिसांनी नायलॉन मांजाविरुद्ध कडक कारवाई करावी अशी मागणी करण्यात येत आहे.

Loading

The Title "Nashik Calling" is approved by Office Of The Registrar Of Newspapers For India (Ministry Of Information And Broadcasting). RNI: MAHMAR51790