अत्यावश्यक सोयी-सुविधांच्या पासेससाठी “या” ठिकाणी अर्ज करा !

नाशिक (प्रतिनिधी): अत्यावश्यक सोयी पुरवतांना अनेकांना अडचण येत आहेत. पण आता लॉकडाऊनच्या कालावधीत जिल्ह्यातील १५ प्रकारच्या अत्यावश्यक व जीवनावश्यक सेवा-सुविधांना परवानगी देण्यात आली आहे. या सेवा-सुविधांमधील उद्योग आस्थापनांनी आपल्या अधिकारी, कर्मचारी यांच्या ई-पासेससाठी जिल्ह्यांच्या अधिकृत संकेतस्थळ https://nashik.gov.in वरील ‘कोविड-१९’ (Covid-19) या पोर्टलवर रितसर ऑनलाईन अर्ज करावेत, असे जिल्हाधिकारी सूरज मांढरे यांनी कळविले आहे.

लॉकडाउऊनच्या कालावधीत खालील अत्यावश्यक सेवा चालू ठेवण्यास शासनाने जिल्हा प्रशासनास कळविले आहे. त्यात,

  • सर्व प्रकारच्या आरोग्य सेवा
  • शेती व त्यासंबंधीत उपक्रम व सेवा
  • वित्तीय सेवा
  • सामाजिक स्वरूपाच्या सेवा
  • ऑनलाईन व डिस्टन्स एज्युकेशन
  • मनरेगाची कामे
  • सार्वजनिक उपयोगितेची कामे
  • राज्यांतर्ग व बाहेर मालवाहतुक
  • जीवनावश्यक वस्तुंचा पुरवठा
  • वाणिज्य व खाजगी आस्थापना
  • सरकारी व खाजगी उद्योग
  • अनुज्ञेय बांधकामे
  • आपत्कालीन वाहतुक
  • भारत सरकारची व अधिनस्त, स्वायत्त व दुय्यम कार्यालये
  • राज्य शासनाची स्वायत्त तसेच स्थानिक स्वराज्य संस्थांची कार्यालये
हे ही वाचा:  नाशिक: सोमवारपासून होणार यांत्रिकी झाडूने रस्त्यांची स्वच्छता

या १५ प्रकारच्या सेवा-सुविधांचा समावेश आहे. सुरू ठेवण्यास त्यासाठी लागणारा आ-पास  देण्यासाठी https://nashik.gov.in/ यावर सोय करण्यात आली असून संबंधीत यंत्रणांनी या संकतस्थळाला भेट देवून ऑनलाईन अर्ज सादर करावेत. या सर्व अर्जांची रितसर ऑनलाईन पडताळणी करून ई-पास वितरित केले जातील असेही जिल्हाधिकारी सूरज मांढरे यांनी कळविले आहे.

The Title "Nashik Calling" is approved by Office Of The Registrar Of Newspapers For India (Ministry Of Information And Broadcasting). RNI: MAHMAR51790