नाशिक: शस्त्र विक्री करण्यास येणारा संशयित दोन पिस्टल, ४ राउंडसह अटकेत

नाशिकच्या सर्व अपडेट्ससाठी आमचा व्हॉट्सअ‍ॅप ग्रुप जॉईन करा…

नाशिक (प्रतिनिधी): टॅक्सीमधून शस्त्र वाहतूक करणाऱ्या मालेगावच्या संशयिताला अटक करण्यात आली आहे. स्थानिक गुन्हे शाखेच्या पथकाने ओझर १० वा मैल महामार्गावर ही कारवाई केली.

ओझर पोलिसांत गुन्हा दाखल झाला आहे. वरिष्ठ निरीक्षक हेमंत पाटील यांना मिळालेल्या माहितीनुसार, मालेगाव शहरातून एका टॅक्सीमध्ये काही संशयित शस्त्र विक्री करण्याकरिता शहरात जात असल्याची माहिती मिळाली होती.

पथकाने काळी पिवळी (एमएच १५, जी.व्ही. २७५८) थांबवली. टॅक्सी मधील प्रवाशांची झडती घेतली असता मोहम्मद आरिफ मोहम्मद फारूक (वय ३६, राहणार: रजियाबाद, मालेगाव) याच्याकडे दोन गावठी पिस्तुल ४ जीवंत राऊंड मिळाले.