नाशिकच्या सर्व अपडेट्ससाठी आमचा व्हॉट्सअॅप ग्रुप जॉईन करा…
नाशिक (प्रतिनिधी): शहरातून होणाऱ्या अवजड वाहतुकीस शहरात प्रवेश बंद करत पर्यायी मार्गाने वाहतूक वळवण्यात आली आहे. वाहतूक विभागाने यासंदर्भात अधिसूचना काढली होती.
सिन्नर- पुणेकडून मुंबईकडे जाणारी अवजड वाहतूक ही फेम सिग्नलवरून वडाळा-इंदिरानगर-पाथर्डीमार्गे मुंबईकडे जात होती. यात तात्पुरत्या स्वरूपात ५ मे ते ३ जून या ३० दिवसांकरिता प्रायोगिक तत्त्वावर बदल करण्यात आला आहे.
या मार्गावरील अवजड वाहतूक ही आता रात्री १० ते सकाळी ८ या वेळेत फेम सिग्नल, काठे गल्ली सिग्नल, द्वारका सर्कल येथून डावीकडे वळून रॅम्पने मुंबई बाजूकडे जाईल.
तसेच मुंबईकडून सिन्न- पुणे कडे जाणारी अवजड वाहतूक ही प्रायोगिक तत्त्वावर पाथर्डी फाटा, इंदिरानगर, वडाळा गाव, डीजीपीनगर, सम्राट सिग्नलमार्गे सिन्नर व पुणेकडे जाईल. तसेच ३० दिवसांच्या कालावधीत रात्री १० ते सकाळी ८ या वेळेत अवजड वाहतूक सुरू राहील. सकाळी ८ ते रात्री १० या वेळेत अवजड वाहतूक बंद ठेवण्यात येईल.
