नाशिक (प्रतिनिधी): कुर्ल्यातील बस अपघात घटनेनंतर जाग्या झालेल्या यंत्रणेने बसचालकांची ब्रीझ अॅनालायझरद्वारे तपासणी सुरू केली आहे. मेळा बसस्थानकात मुंबई-धुळे बसचालकाची तपासणी केली असता तो मद्य प्राशन केलेला आढळून आला.
त्याच्याविरोधात सरकारवाडा पोलिस ठाण्यात गुन्हा दाखल करण्यात आला आहे. पोलिसांनी दिलेली माहिती आणि बस स्थानकप्रमुख संजय मोहिते यांच्या तक्रारीनुसार, मेळबस स्थानकात चालकांच्या तपासणीवेळी मुंबई-धुळे बसचालक अमोल मोरे (रा. सटाणा) याची तपासणी केली असता तो मद्य प्यायलेला आढळला. कर्तव्यावर असताना मद्य पिऊन बस चालविल्याप्रकरणी त्याच्याविरोधात गुन्हा दाखल करण्यात आला आहे.
The Title "Nashik Calling" is approved by Office Of The Registrar Of Newspapers For India (Ministry Of Information And Broadcasting). RNI: MAHMAR51790
