Live Updates: Operation Sindoor

नाशिक: पत्नी माहेरी निघून गेली; पतीने सासुरवाडीत स्वतःच्या अंगावर पेट्रोल टाकून पेटवून घेतले

नाशिक (प्रतिनिधी): क्रांतीनगर भागात पत्नी माहेरी निघून गेल्याने संतप्त पतीने स्व:ताच्या अंगावर पेट्रोल टाकून घेत पेटवून घेतले. जखमी पतीचा उपचारादरम्यान मृत्यू झाला. याप्रकरणी पंचवटी पोलिस ठाण्यात मृत्यूची नोंद करण्यात आली आहे.

पोलिसांनी दिलेल्या माहितीनुसार विनोद राजाराम चव्हाण (३० रा. साई लॉन्स बाजूला नांदूरनाका) असे मृत पतीचे नाव आहे. चव्हाण दांम्पत्याचा कौटुंबिक वाद झाला होता. त्यामुळे पत्नी मनिषा चव्हाण क्रांतीनगर भागातील उबाळे चाळीत राहणा-या आपल्या आईच्या घरी निघून गेली होती.

👉 हे ही वाचा:  यंदा मान्सूनचे लवकर आगमन – १३ मेपूर्वी अंदमानात प्रवेश, महाराष्ट्रातही लवकर हजेरीची शक्यता

पत्नीस विनवण्या करूनही ती माघारी येत नसल्याने सोमवारी (दि.११) दुपारच्या सुमारास चव्हाण याने आपली सासूरवाडी गाठून स्वतःच्या अंगावर पेट्रोल ओतून पेटवून घेतले होते.

👉 हे ही वाचा:  नाशिक: अल्पवयीन मुलांना हाताशी धरून चेनस्नॅचिंग; चार लाखांचे सोने केले जप्त

या घटनेत तो गंभीर भाजल्याने मेव्हणा ऋषीकेश पवार यांनी त्यास तात्काळ जिल्हा रूग्णालयात दाखल केले असता उपचार सुरू असतांना गुरूवारी वैद्यकीय सुत्रांनी त्यास मृत घोषित केले. याबाबत पोलिस नाईक गायकवाड यांनी दिलेल्या खबरीवरून पोलिस दप्तरी मृत्यूची नोंद करण्यात आली असून अधिक तपास हवालदार शेळके करीत आहेत.

Loading

The Title "Nashik Calling" is approved by Office Of The Registrar Of Newspapers For India (Ministry Of Information And Broadcasting). RNI: MAHMAR51790