नाशिक (प्रतिनिधी): भरधाव मालवाहू आयशर ट्रक व अॅटोरिक्षात झालेल्या अपघातात ४५ वर्षीय रिक्षाचालक ठार झाला. हा अपघात पेठरोडवरील राऊ हॉटेल भागात झाला होता. याप्रकरणी म्हसरूळ पोलीस ठाण्यात मृत्यूची नोंद करण्यात आली आहे.
पोलीसांनी दिलेल्या मााहितीनुसार राजू रामचंद्र आंबेकर (रा. निळकंठ अपा.नमन हॉटेल जवळ) असे मृत रिक्षाचालकाचे नाव आहे. आंबेकर गुरूवारी (दि.२१) सकाळच्या सुमारास पेठरोडवरील नमण हॉटेल कडून नाशिकच्या दिशेने प्रवासी वाहतूकीसाठी आपली अॅटोरिक्षा घेवून निघाले असता हा अपघात झाला
पेठरोडवरील राऊ हॉटेल चौफुली परिसरात भरधाव आयशरने टीएम २८ एपी ६९२५ अॅटोरिक्षास धडक दिली. या अपघातात आंबेकर गंभीर जखमी झाल्याने भाचा हितेश कसार यांनी त्यांना तात्काळ जिल्हा रूग्णालयात दाखल केले असता डॉ. कल्पेश भोये यांनी त्यास मृत घोषीत केले. अधिक तपास हवालदार फुगे करीत आहेत. (म्हसरूळ पोलीस स्टेशन, अकस्मात मृत्यू गुन्हा रजिस्टर क्रमांक: ११३/२०२४)
