नाशिक: दुचाकीच्या अपघातात २८ वर्षीय तरुणाचा मृत्यू

नाशिक (प्रतिनिधी): दुचाकी अपघातात २८ वर्षीय तरुणाचा मृत्यू झाल्याची घटना नाशिक-पुणे रोडवर घडली.

विक्की भिमराव वाकळे (२८ रा.साई समर्थ अपा.मार्गशिष सेक्टर) हा युवक गुरूवारी (दि. १०) रात्री नाशिक पुणे मार्गावरून दुचाकीवर प्रवास करीत होता. नाशिकरोडच्या दिशेने तो जात असतांना टोलनाक्याजवळील हॉटेल बासूरी समोर दुचाकीचा अपघात झाला.

या अपघातात गंभीर जखमी झाल्याने त्यास अ‍ॅम्ब्युलन्स चालक संतोष झाडे यांनी तात्काळ जिल्हा रूग्णालयात दाखल केले असता वैद्यकीय सुत्रांनी तपासून मृत घोषीत केले. याबाबत नाशिकरोड पोलीस ठाण्यात मृत्यूची नोंद करण्यात आली असून अधिक तपास पोलीस नाईक मोरे करीत आहेत. (अकस्मात मृत्यू रजिस्टर क्रमांक: ८०/२०२५)