नाशिक: तिडके कॉलनीत कारची धडक, दुचाकीस्वार जखमी

नाशिक (प्रतिनिधी): भरधाव जाणाऱ्या कारने दुचाकीला धडक दिल्याने झालेल्या अपघातात दुचाकीचालक गंभीर जखमी झाला. तिडके कॉलनीतील राजे शिवाजी मार्गदर्शन केंद्रासमोर हा अपघात घडला. याप्रकरणी मुंबईनाका पोलिस ठाण्यात कारचालकाविरोधात गुन्हा दाखल करण्यात आला आहे.

पौर्णिमा सोनवणे यांनी दिलेल्या तक्रारीनुसार पती संदीप सोनवणे हे दुचाकीने दुपारी ३ वाजता दुचाकीने घरी येत असताना राजे शिवाजी मार्गदर्शन केंद्रासमोर वळण घेताना पाठीमागून येणाऱ्या ह्युंदाई कार (क्र. एमएच १५, एचवाय ६०९५) ने दुचाकीला धडक दिली. यात सोनवणे यांच्या डोके व कमरेला गंभीर दुखापत होऊन डाव्या हाताचा अंगठा फ्रॅक्चर झाला आहे. कारचालकावर गुन्हा दाखल करण्यात आला आहे. या प्रकरणी पोलिस अधिक तपास करीत आहेत.