नाशिक: ट्रॅक्टरवर दुचाकी आदळून झालेल्या अपघातात युवतीचा मृत्यू

नाशिक (प्रतिनिधी): मखमलाबाद-म्हसरूळ लिंकरोडवरील उभ्या असलेल्या एका ट्रॅक्टर-ट्रॉलीवर दुचाकी आदळून गंभीर जखमी झालेल्या युवतीचा मृत्यू झाला.

तन्वी उमाकांत गणोरे (२०, रा. पेठरोड) असे मयत युवतीचे नाव आहे. सोमवारी (दि. ६) दुपारी दीड वाजेच्या सुमारास तन्वीचे दुचाकीवरील नियंत्रण सुटल्याने दुचाकी ट्रॅक्टरट्रॉलीवर आदळली.

जखमी तन्वीला तिच्या वडिलांनी शासकीय जिल्हा रुग्णालयात दाखल केले. वैद्यकीय अधिकाऱ्यांनी तपासून मयत घोषित केले.