नाशिक: आता सिटी लिंकचालकांची ब्रीथ अ‍ॅनालायझरने तपासणी होणार

नाशिक (प्रतिनिधी): कुर्ल्यातील बस अपघाताच्या घटनेनंतर आता शहरात महापालिकेकडून ३०० सिटी लिंक बसेस चालवणाऱ्या कर्मचाऱ्यांचे समुपदेशन करण्यात येत आहे.

सिटी लिंक बसचालकांबाबत अनेक तक्रारी आहेत. तसेच कुर्ल्यातील घटनेची पुनरावृत्ती नाशिकमध्ये होऊ नये म्हणून सिटी लिंकचे मुख्य महाव्यवस्थापक तथा महापालिकेचे कार्यकारी अभियंता बाजीराव माळी यांनी दर रविवारी एकूण ४० बसचालकांचा समुपदेश वर्ग घेऊन एस. टी. महामंडळाचे निवृत्त अधिकारी व इतर तज्ज्ञांच्या उपस्थितीत बस चालविण्याचे प्रत्यक्ष प्रशिक्षण दिले जात असल्याचेही स्पष्ट केले.

मद्यपान करून चालकाने बस चालवू नये यासाठी तपोवनातील बस डेपोत रोज सकाळी अधिकाऱ्यांच्या उपस्थितीत सर्वच बसचालकांचे ब्रीथ अ‍ॅनालायझरद्वारे तपासणी केली जाणार आहे.