महाराष्ट्रातील विशेष सखोल पुनरीक्षण कार्यक्रमाचे सुधारित वेळापत्रक भारत निवडणूक आयोगाकडून जाहीर
नाशिक। दि. १३ ऑक्टोबर २०२६: भारत निवडणूक आयोगाने महाराष्ट्रातील दिनांक १ ऑक्टोबर २०२६ या अर्हता दिनांकावर आधारित मतदार यादीच्या विशेष सखोल पुनरीक्षण (Special Intensive Revision – SIR) कार्यक्रमांतर्गत दावे व हरकती दाखल करण्याच्या कालावधीत वाढ केली आहे. त्यानुसार, आता मतदारांना २६ ऑक्टोबर २०२६ पर्यंत दावे व हरकती दाखल करता येणार आहेत.
आयोगाने १२ ऑक्टोबर २०२६ रोजी जारी केलेल्या अधिसूचनेनुसार, दावे व हरकती दाखल करण्यासाठीची मुदत १२ ऑक्टोबरऐवजी २६ ऑक्टोबर २०२६ पर्यंत वाढविण्यात आली आहे. महाराष्ट्राचे मुख्य निवडणूक अधिकारी यांनी केलेल्या विनंतीनुसार हा निर्णय घेण्यात आला आहे.
सुधारित वेळापत्रक पुढीलप्रमाणे:
दावे व हरकती दाखल करण्याचा कालावधी : ३१ ऑगस्ट ते २६ ऑक्टोबर २०२६.
दावे व हरकतींवरील नोटीस प्रक्रिया व निकाली काढण्याचा कालावधी : ३१ ऑगस्ट ते १० नोव्हेंबर २०२६.
मतदार यादीची अंतिम प्रसिद्धी : १६ नोव्हेंबर २०२६.
मतदार यादीतील नोंदींबाबत दावे किंवा हरकती असल्यास संबंधित मतदारांनी वाढीव मुदतीचा लाभ घ्यावा. असे आवाहन जिल्हाधिकारी तथा जिल्हा निवडणूक अधिकारी आयुष प्रसाद यांनी केले आहे.
