नाशिक: रिक्षात प्रवास करतांना महिलेचे दागिने लंपास

नाशिक (प्रतिनिधी): रिक्षा प्रवासात सहप्रवासी तीन महिलांनी पर्समधून २० हजार रुपये व १ लाख ३० हजारांचे सोन्याचे दागिने चोरी केले. दुपारी १२ वाजता पौर्णिमा स्टॉप येथे हा प्रकार घडला. मुंबई नाका पोलिस ठाण्यात गुन्हा दाखल करण्यात आला आहे.

पोलिसांनी दिलेली माहिती आणि स्मिता शहा (रा. अंधेरी, मुंबई) यांनी दिलेल्या तक्रारीनुसार, बिटको येथून नाशिक येथे येण्यासाठी रिक्षात बसल्या. रिक्षात आधीच तीन महिला बसलेल्या होत्या. पर्सची चेन उघडून सोन्याच्या चेन, कॉइन, हिऱ्याचे पेंडेंट असलेले मंगळसूत्र आणि २० हजारांची रक्कम चोरी केली. द्वारका येथील स्टॉपवर उतरून चिवडा घेतल्यानंतर पैसे देण्याकरिता पर्स उघडली असता चोरी झाल्याचे लक्षात आले.