नाशिक: भरधाव दोन दुचाकींमध्ये समोरासमोर धडक, पल्सरस्वार तरूण ठार

नाशिकच्या सर्व अपडेट्ससाठी आमचा व्हॉट्सअ‍ॅप ग्रुप जॉईन करा…

नाशिक (प्रतिनिधी): समतानगर ते उपनगर नाका दरम्यान भरधाव दोन दुचाकींमध्ये झालेल्या समोरासमोरील धडकेत पल्सरस्वार तरूण ठार झाला.

या अपघातील दुसरा मोटारसायकलस्वारही जखमी झाला असून दोन्ही वाहनांचे मोठे नुकसान झाले आहे. याबाबत उपनगर पोलिस ठाण्यात नोंद करण्यात आली आहे.

वतन दादासाहेब पावरा (२२ रा. दौलत बंगला,उपनगर) असे मृत पल्सरस्वाराचे नाव आहे. पावरा शनिवारी (दि.९) रात्री आपल्या पल्सर दुचाकीवर समतानगरकडून उपनगर नाक्याच्या दिशेने प्रवास करीत असतांना हा अपघात झाला.

पल्सर आणि युनिकॉर्न या दोन दुचाकींमध्ये समोरासमोर धडक झाल्याने त्याचा मृत्यू झाला. या अपघातात दुसरा मोटारसायकल चालकही जखमी झाला असून दोन्ही वाहनांचे मोठे नुकसान झाले आहे. अधिक तपास उपनिरीक्षक उंडे करीत आहेत.