नाशिक कॉलिंगचा व्हॉट्सअ‍ॅप ग्रुप जॉईन करण्यासाठी इथे क्लिक करा…
Breaking: इगतपुरीजवळ भीषण अपघात; एकाच कुटुंबातील ४ जण ठार
नाशिक (प्रतिनिधी): मुंबई आग्रा महामार्गावर इगतपुरी जवळ भीषण अपघात झाला आहे. या अपघातात एकाच कुटुंबातील ४ जण जागेवरच ठार झाल्याची घटना घडली आहे.
या अपघातात १ जण गंभीर जखमी झाला असून त्याच्यावर उपचार सुरु करण्यात आले आहे.
याबाबत अधिक माहिती अशी की, आज दुपारी ४ वाजेच्या सुमारास पंढरपुरवाडी समोर नाशिकहुन मुंबईच्या दिशेने जाणारी एसेंट कार एम एच ०४ एफ ए ८२९१ ही गाडी भरगाव वेगाने जात होती. यावेळी अचानक गाडीचा पुढील टायर फुटल्याने ही कार थेट उडाली.
ही कार मुंबईहुन नाशिककडे अपघातग्रस्त वॅगनर कार घेऊन जाणाऱ्या टोइंग व्हॅनवर जोरदार आदळल्याने हा भीषण अपघात झाला. या अपघातात एकाच कुटुंबातील १ बालिका, १ महिला व २ पुरुष जागेवर ठार झाल्याचे समजते. अपघाताची माहिती मिळताच इगतपुरी पोलिसांनी तातडीने घटनास्थळी धाव घेतली. मृतांची नावे अद्याप समजू शकली नाही.
