हृदयद्रावक: नाशिकला पाटाच्या पाण्यात तोल जाऊन युवकाचा मृत्यू
नाशिक (प्रतिनिधी): नाशिक शहरात पाटाच्या पाण्यात तोल जाऊन युवकाचा मृत्यू झाला आहे.
म्हशी धुण्यासाठी पाटावर गेलेल्या तरुणाचा पाण्यात तोल जाऊन पडल्याने मृत्यू झाल्याची घटना पंचवटीत घडली.
याबाबत अधिक माहिती अशी की, युनूस पटेल सय्यद (वय ३२, रा. वज्रेश्वरीनगर, दिंडोरी रोड, नाशिक) असे पाण्यात तोल जाऊन पडल्याने मृत्यू झालेल्या तरुणाचे नाव आहे.
[wpna_related_articles title=”More Important News” ids=”10339,10333,10337″]
सय्यद हा काल दुपारी वज्रेश्वरीनगरजवळ असलेल्या पाटावर स्वत:च्या म्हशी धुण्यासाठी घेऊन गेला होता. त्यावेळी सय्यद हा पाण्यात तोल जाऊन पडला. तो बुडत असताना त्याला रशीदलाल भाई सय्यद यांनी पाण्याबाहेर काढले. पुढील उपचारासाठी जिल्हा शासकीय रुग्णालयात दाखल केले असता डॉक्टरांनी तपासून मयत घोषित केले. दरम्यान या प्रकरणी पंचवटी पोलीस ठाण्यात आकस्मिक मृत्यूची नोंद करण्यात आली असून पुढील तपास पोलीस हवालदार चव्हाण करीत आहेत.
