शस्त्राचा धाक दाखवत भाजी विक्रेत्याकडून लुटले ८ हजार!

नाशिक (प्रतिनिधी) : शहरातील जेलरोड परिसरातील शिवाजीनगर येथून पावभाजीचे पार्सल घेऊन घरी परतणाऱ्या भाजीविक्रेत्याला चोरट्यांनी शस्त्रांची भीती दाखवत ८ हजार रुपये लुटल्याची घटना उघडकीस आली.

जेलरोड परिसरात भाजीविक्रीचा व्यवसाय करणारे शत्रुघन रामरतन गुप्ता शनिवारी (दि.२४ ऑक्टोबर) रोजी रात्री ९ वाजता जेलरोड येथील पाण्याच्या टाकीकडून शिवाजीनगरला पावभाजी आणण्यासाठी गेले होते. तिकडून परत येत असतांना संशयित आरोपी सुरेश राजाराम म्हस्के व त्याच्यासोबत असलेल्या ३ साथीदारांनी गुप्ता यांची मोटारगाडी अडवली. गुप्ता यांना गाडीचे काच खाली करण्यास सांगून, मानेवर शस्त्र ठेवून भीती दाखवली. शिवीगाळ व धमकी देत गुप्ता यांच्याकडील ८ हजारांची रोकड काढून घेतली. तसेच गुप्ता यांना जर पोलिसांना सांगितले तर तुझा गेम करू अशी धमकी देत चोरटयांनी पळ काढला.

Loading

हे ही वाचा:  नाशिक: स्वाईन फ्ल्यूचे 3 रुग्ण; एकाचा मृत्यू, दोघे ठणठणीत !

The Title "Nashik Calling" is approved by Office Of The Registrar Of Newspapers For India (Ministry Of Information And Broadcasting). RNI: MAHMAR51790