नाशिक मुंबई महामार्गावर पूल चढतांना कार पलटी होऊन अपघात; प्रवासी बचावले

नाशिक मुंबई महामार्गावर पूल चढतांना कार पलटी होऊन अपघात; प्रवासी बचावले

नाशिक (प्रतिनिधी): नाशिक मुंबई महामार्गावर पूल चढतांना नियंत्रण सुटल्याने कार पुलावरून खाली कोसळली.

वेग जास्त असल्याने या अपघातात कारने पलटी मारली.

मात्र सुदैवाने कारमध्ये असलेले प्रवासी बचावले.

मुंबई- आज सकाळी 10 वाजेच्या सुमारास नाशिक महामार्ग उड्डाण पुलावर मुंबई कडून धुळ्याला भरधाव वेगाने जात असलेली किया सोनेट कार (क्र.एम एच ४६ बी झेड ६०११) हॉटेल दिव्य अभिलाषा समोरील पूल चढत असताना कारचालकाचे नियंत्रण सुटून कार पलटी होत पुलावरून खाली कोसळली.

हे ही वाचा:  नाशिक: चेकपोस्टवर कर्तव्यात कसूर, २ पोलिस अमलदारांचे निलंबन

या अपघातात कारचा चक्काचूर झाला असला तरी सुदैवाने यामध्ये कुठलीही जीवित हानी झाली नाही.

पालघर येथील सुनील जैन व त्यांच्या सोबत दोन महिला या गाडीतून प्रवास करत होते. अपघाताची माहिती मिळताच अंबड पोलिस ठाण्याचे पोलिस तसेच अग्निशामक दलाचे बचाव पथक तात्काळ घटनास्थळी पोहोचले. अपघातामुळे महामार्गावरील वाहतूक विस्कळीत झाली होती. अग्निशामक दलाच्या बचाव पथकाचे अधिकारी शाम राऊत, कर्मचारी ज्ञानेश्वर दराडे, सोमनाथ थोरात, किशोर पाटील, विजय शिंदे,सायली काथवटे यांनी घटनास्थळी बचावकार्य केले. अपघातात गाडीचे मोठे नुकसान झाले आहे.

Loading

The Title "Nashik Calling" is approved by Office Of The Registrar Of Newspapers For India (Ministry Of Information And Broadcasting). RNI: MAHMAR51790
×
⚡Join Our Group