नाशिकच्या अपोलो हॉस्पिटल्सने सुरु केले प्रादेशिक संदर्भ किडनी प्रत्यारोपण केंद्र

नाशिक (प्रतिनिधी): अपोलो हॉस्पिटल नाशिक मध्ये गुरुवारी (दि.२५) रिजनल रेफ्रल किडनी ट्रान्सप्लान्ट सेंटरचे उद्घाटन मनपा आयुक्त डॉ. चंद्रकांत पुलकुंडवार यांच्या हस्ते करण्यात आले.

अपोलो हॉस्पिटल्स नाशिक ने उत्तर महाराष्ट्र आणि नाशिक विभागातील रुग्णांना किडनी प्रत्यारोपणाची सेवा देण्याकरिता अत्याधुनिक प्रादेशिक प्रादेशिक संदर्भ किडनी प्रत्यारोपण केंद्र सुरु केल्याची घोषणा केली आहे.

“किडनी ट्रान्सप्लांट करणे म्हणजे एकप्रकारे त्या व्यक्तीचा पुनर्जन्मच असतो आणि त्याकरिता सगळ्यात महत्वाची गोष्ट म्हणजे समाजात अवयव दानाची जनजागृती मोठ्या प्रमाणावर होणे गरजेचे आहे ,अवयव प्रत्यारोपण संदर्भात केंद्र व राज्य शासनाने अशा विविध योजना सुरू केल्या असल्याने रुग्णांना मोठा आर्थिक मदत मिळत आहे. रुग्णांनी आजारांकडे सकारात्मक दृष्टीने बघितल्यास ते लवकर बरे होऊ शकतात. अवयव दान संदर्भात नागरिकांमध्ये साशंकता असल्याने याबाबत उदासीनता दिसून येते. राज्यासह देशभरात अनेक रुग्णांना विविध प्रकारच्या अवयवांची आवश्यकता असते. त्याकरिता लोकशिक्षित होणे व जनजागृती होणे अत्यंत गरजेचे आहे, अवयवदान संदर्भात आपल्या देशात नागरिकांमध्ये भीती असून, अनेकजण साशंक आहेत. शासनाने अवयव प्रत्यारोपण बाबत नियम घालून दिले आहेत, अवयव प्रत्यारोपण करणे व तसे आजार उद्भवू नये यासाठी जनजागृती करण्याची गरज आहे. ब्रेन डेड झालेल्या रुग्णांचे योग्य वेळी अवयव दान झाल्यास अनेक रुग्णांना यामुळे नवजीवन मिळू शकते. या मोहिमेत मनपा जे काही सहकार्य लागेल ते करू” असे आश्वासन” मनपा आयुक्त डॉ. चंद्रकांत पुलकुंडवार यांनी अपोलो हॉस्पिटल मधील रिजनल रेफ्रल किडनी ट्रान्सप्लान्ट सेंटरचे उद्घाटन करतांना व्यक्त केले.

हे ही वाचा:  नाशिकरोड परिसरात एकाच दिवशी तीन घरफोड्या; सुमारे पाच लाखांचा ऐवज लंपास

या युनिटने आजपर्यंत ८१ किडनी प्रत्यारोपण अगदी अल्प काळात पूर्ण केली आहेत. कॅडेव्हर किडनी प्रत्यारोपण , लाइव्ह किडनी  प्रत्यारोपण, प्रौढ आणि बाल, तसेच एबीओ विसंगती, वृद्ध प्रत्यारोपण दाता, डिसेन्सिटायझेशन शिष्टाचाराद्वारे प्रत्यारोपण, स्वॅप प्रत्यारोपण, द्वितीय प्रत्यारोपण व लठ्ठ प्राप्तकर्ता प्रत्यारोपण यांसारखे जटिल प्रकरणे हाताळलेले तज्ञ या प्रत्यारोपण केंद्राचे नेतृत्व करणार आहेत.

नेफ्रोलॉजिस्ट आणि किडनी प्रत्यारोपणाचे चिकित्सक आणि सल्लागार डॉ. मोहन पटेल म्हणाले की, “गेल्या 2 दशकांपासून भारतात किडनी च्या आजाराचे प्रमाण तीव्रतेने वाढत आहे आणि किडनी प्रत्यारोपण हा यावरचा सर्वोत्तम आणि अनुकूल उपचार आहे. परंतु तरीही 10% पेक्षा कमी रुग्ण किडनी  प्रत्यारोपणासाठी इच्छुक असतात. अशात किडनी प्रत्यारोपण केंद्रापर्यंत पोहोचण्याची अडचण, कुशल तज्ञांचा अभाव, आर्थिक पाठबळ आणि दात्याची उपलब्धता असे अनेक अडथळे येतात. या अडथळ्यांवर मात करण्यासाठी आम्ही एकाच छताखाली सर्व मूत्रपिंड प्रत्यारोपण सेवा प्रदान करण्याच्या उद्देशाने प्रादेशिक प्रत्यारोपण नेटवर्क तयार केले आहे.”

किडनी प्रत्यारोपण आणि रोबोटिक शस्त्रक्रियेचे सल्लागार डॉ. अमोलकुमार पाटील म्हणाले, “किडनी प्रत्यारोपण ही शेवटच्या टप्प्यातील किडनीच्या  आजाराचे निदान झालेल्या रुग्णांचे जीवन वाचवणारी आणि अतिशय परवडणारी प्रक्रिया आहे. यामुळे चांगले गुणवत्तापूर्ण जीवन मिळते आणि रुग्णाला सामान्य जीवन जगण्याची संधी प्रदान होते.”

हे ही वाचा:  नाशिक: लॅपटॉपसह दुचाकीचोर पोलिसांच्या तावडीत; क्राईम ब्रांच युनिट १ ची कारवाई !

युरोलॉजिस्ट आणि किडनी प्रत्यारोपण शस्त्रक्रिया तज्ञ डॉ. किशोर वाणी यावेळी म्हणले, “लॅपरोस्कोपिक आणि रोबोटिक शस्त्रक्रिया यांसारख्या कमीत कमी वेदनादायक तंत्रांसह शस्त्रक्रियात्मक तंत्रज्ञानामध्ये सतत होणाऱ्या प्रगतीमुळे, प्रत्यारोपणानंतर लवकर बरे वाटू लागते आणि सुधारित परिणाम मिळतात. उत्कृष्ट शस्त्रक्रियात्मक सेवेव्यतिरिक्त या युनिटद्वारे आयसीयूमध्ये शस्त्रक्रियेनंतरची अत्याधुनिक सेवा देखील प्रदान केली जाते.”

नाशिक येथील अपोलो हॉस्पिटल्सचे युनिट प्रमुख श्री. अजित झा म्हणाले, “रुग्णालयाच्या स्थापनेपासून उत्कृष्ट वैद्यकीय परिणाम देऊन अपोलो हॉस्पिटल्सने नाशिकमध्ये ८१ हून अधिक मूत्रप्रिंड प्रत्यारोपण यशस्वीपणे पार पाडले आहेत. गेल्या 5 वर्षांत आम्ही कॅडेव्हर (मृत) मूत्रपिंड प्रत्यारोपण कार्यक्रमही यशस्वीपणे राबवण्यास सुरूवात केली आहे. प्रत्यारोपण केंद्रामध्ये उच्च पात्र आणि अनुभवी डॉक्टरांची एक टीम आहे जी आमच्या रुग्णांना चांगली वैद्यकीय सेवा देऊन सर्वोत्तम संभाव्य परिणाम दाखवू शकतात.”

उद्घाटनाबद्दल बोलताना अपोलो हॉप्सिटल्सचे प्रादेशिक सीईओ संतोष मराठे म्हणाले, “प्रादेशिक संदर्भ किडनी  प्रत्यारोपण केंद्राची रचना महाराष्ट्र आणि नाशिक विभागातील दुर्गम जिल्ह्यांमध्ये किडनी प्रत्यारोपणाच्या प्रकरणांच्या व्यवस्थापनात असलेली वैद्यकीय सेवेची तफावत भरून काढण्यासाठी करण्यात आली आहे. वैयक्तिकृत वैद्यकीय सेवा प्रदान करण्यासाठी आणि प्रत्येक टप्प्यावर किडनी प्रत्यारोपणाच्या रुग्णांना चांगला अनुभव देण्यासाठी आमच्याकडे आवश्यक वैद्यकीय कौशल्य आणि पायाभूत सुविधा आहेत. प्रादेशिक संदर्भ मूत्रपिंड प्रत्यारोपण केंद्राद्वारे अपोलोच्या वैद्यकीय अनुभवाचा आणि उत्कृष्टतेचा लाभ देण्यासाठी महाराष्ट्रातील दुर्गम जिल्ह्यांमधून अनेक नोडल (मध्यवर्ती) सेटअप एकत्रित करण्यात येणार आहे.”

हे ही वाचा:  नाशिक: 'या' सराफ व्यावसायिकाकडे 26 कोटी रुपये रोख अन् 90 कोटी रुपयांच्या संपत्तीची कागदपत्रे जप्त!

 प्रादेशिक रेफरल किडनी प्रत्यारोपण केंद्राशी प्रयास हॉस्पिटल मालेगाव, श्री चिल्ड्रन हॉस्पिटल मालेगाव, सेवा सुपरस्पेशालिटी हॉस्पिटल, धुळे व ओम क्रिटिकल केअर सेंटर, धुळे, कुटे हॉस्पिटल आणि लॅप्रोस्कोपिक सेंटर संगमनेर , नीलकमल हॉस्पिटल जळगाव, लाइफ केअर डायलेसिस सेंटर नाशिक हे संलग्न आहेत 

यावेळी किडनी प्रत्यारोपण झालेल्या रुग्णांनी आपल्या भावना व्यक्त करताना अपोलो हॉस्पिटलच्या डॉक्टरांचे , नर्सिंग स्टाफ चे आणि डायलेसिस विभागाचे खूप कौतुक केले आणि इतर किडनी प्रत्यारोपण करण्यासाठी इच्छुक रुग्णांना गरज पडेल तेंव्हा मार्गदर्शन करू अशी ग्वाही दिली   

या प्रादेशिक संदर्भ किडनी प्रत्यारोपण केंद्र उदघाटन प्रसंगी मनपा आयुक्त डॉ. चंद्रकांत पुलकुंडवार, मनपा आरोग्य विभागचे डॉ. आवेश पलोड , अपोलो हॉस्पिटल नाशिक चे युनिट हेड अजित झा,  लाइफ केअर डायलेसिस सेंटरच्या सौ. फरात सैय्यद, मेंदू व मणके शस्त्रक्रिया तज्ञ डॉ. संजय वेखंडे, युरोलॉजिस्ट डॉ. प्रवीण गोवर्धने,  भूलतज्ञ डॉ.चेतन भंडारे, जनरल सर्जन डॉ.मिलिंद शहा, अवयव प्रत्यारोपण समन्वयक सौ.चारुशीला जाधव आदी उपस्थित होते , कार्यक्रमाचे सूत्रसंचालन डॉ.मंगेश जाधव यांनी केले.

Loading

The Title "Nashik Calling" is approved by Office Of The Registrar Of Newspapers For India (Ministry Of Information And Broadcasting). RNI: MAHMAR51790
×
⚡Join Our Group