दारूचा टेम्पो उलटला आणि नको तेच घडलं…

नाशिक (प्रतिनिधी) : नाशिकहून ताहाराबाद येथे देशी दारू घेऊन जाणारा टेम्पो उलटल्याने चार जण गंभीर जखमी झाले. तसेच हजारो रुपयांची दारू रस्त्यावर वाहून गेली. गुरुवारी (दि.२९) दुपारच्या सुमारास नाशिकमधल्या विंचूर-प्रकाशा या महामार्गावर हा प्रकार घडला. टेम्पोचे डाव्या बाजूचे टायर फुटल्याने टेम्पो एका बाजूला उलटला. याचा मोठा आवाज झाल्याने परिसरातील नागरिक रस्त्यावर आले.

एवढेच नाही तर तळीरामांनी मात्र ही स्वतःहून चालून आलेली सोन्याची संधी सोडली नाही. रस्त्याने येण्या-जाणाऱ्या तळीरामांनी दारूच्या बाटल्या पळवत आपला हात साफ केला.