सरकारी कार्यालयात फ़ॅशनेबल कपड्यांवर बंदी; पेहरावाबाबत नवीन नियम जाहीर !

NPA GOLD LOAN

नाशिक (प्रतिनिधी): सरकारी कार्यालयात आता अधिकारी व कर्मचाऱ्यांच्या पेहरावासंदर्भात नवीन नियम जारी करण्यात आले आहेत. त्यानुसार, राज्य सरकारच्या सर्व शासकीय कार्यालयात येतांना जिन्स, टी-शर्ट, भडक रंगाचे कपडे, नक्षीकाम केलेले व रंगीबेरंगी कपडे परिधान करण्यास मनाई करण्यात आलेली आहे.

सर्वच शासकीय कार्यालयात नेहमीच लोकप्रतिनिधी, सामान्य नागरिक तसेच अधिकारी इत्यादींची ये-जा सुरु असते. तसेच बऱ्याच वेळा अधिकारी तथा कर्मचारी यांना सामान्य नागरिकांशी वेळोवेळी संवाद साधावा लागतो.

यामुळे त्यांची थेट संबंधितांवर छाप पडत असते, त्यामुळे राज्य शासनाचे प्रतिनिधी म्हणून, सरकारी कार्यालयातील अधिकारी व कर्मचाऱ्यांचा पेहराव हा महत्वाचा भाग आहे. जर अधिकारी व कर्मचाऱ्यांची वेशभूषा अशोभनीय, विचित्र व अस्वच्छ असेल तर जनमानसातील प्रतिमेला तडा जाऊ शकतो. म्हणून, सामान्य प्रशासनाने महिला कर्मचाऱ्यांसाठी साडी, सलवार- चुडीदार, कुर्ता, आवश्यक असल्यास ओढणी, तर ट्राउझर, पॅन्ट व त्यावर कुर्ता असा पेहराव असावा. चपला, सॅंडल, बूट, शूज, यांचा वापर करावा. अशा सूचना केल्या आहेत. तसेच पुरुषांसाठी शर्ट- पॅन्ट असा पेहराव असावा व पोशाख हा स्वच्छ व नीटनेटका असावा. तर बूट, सॅंडल यांचा वापर करावा. स्लीपर घालण्यास मनाई आहे.

Loading

The Title "Nashik Calling" is approved by Office Of The Registrar Of Newspapers For India (Ministry Of Information And Broadcasting). RNI: MAHMAR51790
×
Get Instant Updates