नाशिक: बोगस जात प्रमाणपत्र जोडून झाला डॉक्टर..

नाशिक: बोगस जात प्रमाणपत्र जोडून झाला डॉक्टर..

नाशिक (प्रतिनिधी): अनुसूचित जाती-जमातीच्या बोगस प्रमाणपत्राच्या आधारे एमबीबीएसला प्रवेश घेत पदवी संपादन करणाऱ्या एका डॉक्टरवर फसवणुकीचा गुन्हा दाखल करण्यात आला आहे. डॉ. ईसलाहुझामा सलाउद्दील अन्सारी (२८, रा. भायखळा) असे या डॉक्टरचे नाव आहे. याप्रकरणी आडगाव पोलिस ठाण्यात फसवणुकीचा गुन्हा दाखल करण्यात आला आहे.

हे ही वाचा:  नाशिक: शहरात एमडी विक्री करणाऱ्या दोघांना अटक; क्राईम ब्रांच युनिट १ ची कारवाई !

पोलिसांनी दिलेली माहिती आणि आग्रीपाडा पोलिस ठाण्याचे निरीक्षक बाळासाहेब राऊत यांनी दिलेल्या तक्रारीनुसार, सन २०१० ते २०११ या कालावधीत संशयित डॉ. अन्सारी यांनी अनुसूचित जाती जमातीचे नसताना आडगाव येथील डॉ. वसंतराव पवार मेडिकल कॉलेजला ‘तडवी’ या अनुसूचित जमातीचे खोटे जातप्रमाणपत्र व जातवैधता प्रमाणपत्र सादर करत अनुसूचित जाती-जमातीच्या आरक्षित जागेवर एमबीबीएससाठी प्रवेश मिळवत डॉक्टरची पदवी प्राप्त केल्याचे निष्पन्न झाले. तक्रारीची दखल घेत संशयित डॉक्टरच्या विरोधात फसवणुकीचा गुन्हा दाखल करण्यात आला आहे.

Loading

The Title "Nashik Calling" is approved by Office Of The Registrar Of Newspapers For India (Ministry Of Information And Broadcasting). RNI: MAHMAR51790